د خبریالانو د نړیوالي ادارې له لوري د ښاغلي مجددي د انځور دا ډول خپرېدل هم د نوموړي د شخصیت لپاره، هم د افغانستان د آزادو ژورنالیستانو د اتحاديې او هم د افغان خبریالانو د ټولني لپاره ارزښت لري.
د حجت الله مجددي لپاره یې اهمیت:
۱: د نوموړي د شخصیت او مسلکي مقام نړیوال پيژندل: د IFJ له لوري د ښاغلي مجددي د انځور خپرېدل دا معنا لري چې نوموړي د خبریالي د بنسټونو او د خبریالانو د حقونو د دفاع په برخه کې هم رول لوبولی دی.
۲: د نوموړي د هلو ځلو غیر مستقیم ستاینه: د IFJ دا اقدام ښيي چې د ښاغلي مجددي هڅي یې درک کړي او ارزښت يې ورکړي چې غواړي دغه فدراسیون افغانستان ته ور وپیژني.
د افغانستان د آزادو ژورنالیستانو د اتحادیې لپاره يې اهمیت:
۱. د اتحادیې د نړیوال مشروعیت او اعتبار زیاتېدل: د دې اتحادیې د رئیس انځور د IFJ د ۱۴۸ هېوادونو له زرګونو غړو څخه غوره کېدل د دې بنسټ په نړیواله کچه د پرمختګ نښه ده.
۲. د اتحادیې د رسنیزې دیپلوماسۍ پیاوړتیا: دا کار کولی شي د پراخو همکاریو، حقوقي او تخنیکي ملاتړ جلبولو، او په نړیواله کچه له نورو اتحادیو سره د اړیکو پراخولو ته لار هواره کړي.
۳: په نړیوال چوکاټ کې د افغان رسنیو د اغیزناک رول ننداره: په نړیوال پوسټر کې د یوه افغان څېره، د هغه تصور خلاف چې ګواکي په افغانستان کې رسنۍ منزوي دي، دا څرګندوي چې خبریالي په هیواد کې ژوندۍ او فعاله ده.
د افغانستان د خبریالۍ لپاره اهمیت:
۱. د کورنیو خبریالانو لپاره د هڅونې او باور زیاتېدل: کله چې خبریالان ویني چې د دوی ږغ نړیواله توجه جلب کړې، په سختو حالاتو کې د دوی هڅې پیاوړې کېږي..
۲. د ځوانو او نویو خبریالانو لپاره هیله مندي پیداکېدل:
دا انځور نوو خبریالانو الهام ورکوي تر څو باوري شي چې مسلکي هڅې او ژمنتیا کولای شي نړیوال شهرت او اغېز رامنځته کړي.
۳. د افغانستان مثبت تصویر وړاندي کول:
دا پوسټر دا یادونه کوي چې افغانستان یوازې په هغه څه پوري محدود نه دی چې له بهره خپرېږي، بلکې دلته متعهد او اغېزناک خبریالان هم فعالیت لري.
پایله:
د IFJ لهخوا د حجتالله مجددي انځور خپرېدل یوازې یو شخصي ویاړ نه دی، بلکې دا نړۍ ته یو ښکاره پیغام دی او دا ښيي چې په افغانستان کې خبریالي ژوندۍ،فعاله او اغیزناک حضور لري.
 د افغانستان د آزادو ژورنالیستانو د اتحاديې د رئيس حجت الله مجددي انځور د خبریالي د نړیوال کارډ (IPC) د ۹۸مي کلیزي په مناسبت خپور کړی دی.){kind=link}
No comment