د زابل اطلاعاتو او فرهنګ ریاست اطلاعاتو ته د لاسرسي اسانتیاوې مو برابرې کړې دي
زابل ـ افغانستان
د زابل ولايت د اطلاعاتو او فرهنګ رياست مسوولينو د افغانستان د خپلواکو خبريالانو د اتحاديې له مشرتابه سره په کتنه کې ډاډ ورکړ چې اطلاعاتو ته د خبريالانو د لاسرسي په برخه کې يې پر وخت اسانتياوې برابرې کړې دي.
په دې کتنه کې چې د زابل ولايت د رسنيو مسوولينو او خبريالانو په کې ګډون کړى و، د زابل ولايت د اطلاعاتو او فرهنګ رئيس مولوي عبدالحنان جابر د افغانستان د خپلواکو خبريالانو د اتحاديې مشرتابه ته ډاډ ورکړ چې د خبريالانو ترمنځ لازمه همغږي لري.
د زابل ولايت د خبريالانو او سيمه ييزو دفترونو او معلوماتو ته د خبريالانو پر وخت لاسرسى هم د پام وړ بلل شوى دى.
د افغانستان د خپلواکو خبريالانو د اتحاديې مشر حجت الله مجددي د زابل د سيمه ييزو چارواکو له لوري معلوماتو ته د خبريالانو د لاسرسي او د همغږۍ د رامنځته کېدو د هرکلي په ترڅ کې ژمنه وکړه چې د زابل له خبريالانو او رسنيو سره به د امکان تر حده مرسته کوي.
د افغانستان د خپلواکو ژورنالیستانو اتحادیې مشر د ملي راډیو او ټلویزیون له مشر محمد داوود همت سره د معلوماتي بهیر په تړاو خبرې وکړې.
ښاغلي مجددي د دغه ولایت له شیخ متي،تعلیم الاسلام،پیغام، او شکیلا راډیوګانو له خپرنیز بهیره هم لیدنې ترسره کړې.
No comment